-
A temática a abordar nesta línea do tempo é a Galicia Medieval, na cal se recollerá información relevante das diferentes etapas da Galicia na Idade Media.
-
Nun primeiro momento, prodúcese a chegada dos musulmáns á península Ibérica, poñendo fin ó reino visigodo. Conlevando á desaparición da monarquía visigoda.
-
O descubremento do sepulcro do Apóstolo vai converter a Santiago no referente espiritual e ideolóxico do reinos cristiáns peninsulares.
-
Gallaecia integrase ó reino Asturiano nos reinados de Ramiro I e, fundamentalmente, Ordoño I.
Cabe destacar que no o s. X a nobreza galega terá un importante protagonismo político no reino. -
A economía altomedieval galega caracterízase por unha agricultura moi primitiva e de baixos rendementos.
-
A sociedade altomedieval caracterízase pola presenza do campesiñado coma o grupo maioritario, mais moi heteroxéneo, conservando a existencia de servos; así como a presenza dunha aristocracia laica e dunha nobreza eclesiástica na que se vai apoiar a monarquía para impulsar o seu poder.
-
Nestes séculos da Idade Media Galicia fixa a grandes trazos o territorio que conserva até a actualidade, que se cristalizará trala independencia de Portugal.
-
-
No século XII, coñecido coma a Era Compostelá, Galicia xogará un papel político e cultural moi destacado nos conxuntos dos reinos de León, Asturias e Galicia.
-
Coa unión das coroas de Castela, León e Galicia na persoa de Fernando III vai significar o afastamento de Galicia do primeiro plano político peninsular.
-
Prodúcense unha serie de transformacións que van marcar a paisaxe galega ata tempos moi recentes: as aldeas encherán o espazo rural, xurdirán as parroquias, configuraranse os grandes dominios eclesiásticos e as cidades… O crecemento demográfico virá da man dunha intensificación da produción agrícola, así como dunha expansión da actividade comercial e artesanal. A nobreza eclesiástica configúrase coma a principal propietaria de terras en Galicia.
-
Galicia entra no s. XIV sumida en medio de conflitos xeneralizados.
A segunda metade do século vai vir marcada pola guerra civil entre Pedro I e Henrique de Trastámara. No século XV, os enfrontamentos continuarán e o poder da nobreza imporase sobre o dos reis.
O levantamento Irmandiño é a máis importante revolta antifeudal da Idade Media. -
-
O levantamento Irmandiño finaliza un século cargado de conflitividade social. A base social da Irmandade atopámola nos sectores da sociedade galega da época. Existia unha confluencia entre o campesiñado e as masas urbanas, ambos buscaban unha paz interior durante todo o s. XV., o que está detrás deste levantamento xeral que vivirá Galicia dende o 1467.
-
O campesiñado foi quen máis sufriu as consecuencias das fames e os efectos dos andazos de peste ao longo do s. XIV. Ademais destacando a violencia que sofren dende os castelos e fortalezas, base da revolta Irmandiña. Pola súa banda a nobreza eclesiástica vai sufrir a xeneralización forzada das encomendas por parte dos señores laicos. Pola contra, o s. XV vivirá o auxe do comercio marítimo.
-
O reinado de Sabela de Castela e Fernando de Aragón en Castela vai supor a integración de Galicia no estado autoritario que estaban a construír. Durante este reinado asistimos á desaparición da clase dirixente galega.
-
-
A creación da “Santa Hermandad” é unha boa mostra de reforzamento do poder nos diferentes reinos da Coroa por parte dos Reis Católicos.
-
O nomeamento de Fernando de Acuña coma Xustiza Maior de Galicia no 1480 marca o punto de partida da imposición do poder por parte dos reis na nosa terra.Trala execución de Pardo de Cela no 1483 restaurouse a paz en Galicia.
-
A aristocracia galega convértese de guerreira en cortesá. A pacificación e a fin do bandoleirismo nobiliar vai favorecer ao campesiñado e as cidades, mais estas últimas asistiran á fin das súas liberdades. Galicia quedará integrada no novo Estado autoritario que os Reis Católicos están a construír. Crearanse as institucións de Gobernador e a da Audiencia de Galicia para reforzar o poder real na nosa terra.
